بسم الله الرحمن الرحيم
انا اسمى محمود وعندى 27 سنه ومن سوهاج وبعمل مدرس لغة عربية ...
انا خاطب من حوالى 6 شهور ... وبحب خطيبتى اوى اوى اوى .
فى اول شهرين كنا فى قمة السعادة والفرحة ... ومكناش بنزعل من بعض ابدا .
و فى اواخر رمضان اللى فات حصل موقف كدة واتعصبت عليها شوية وصوتى على عليها .
بس اعتذرتلها 1000 مرة ووعدتها انى مش هعلى صوتى عليها تانى ....و هى قبلت اعتذارى وبقينا كويسين مع بعض .
بعدها بأسبوعين اكتشفت انها لسه زعلانه منى ومش قادرة تنسى انى عليت صوتى عليها ... وقلتلى كلام صعب اوى واتجرحت جدا ... قالتلى ان حبها ليا قل خالص وانها بقت تخاف منى ومش حاسه معايا بالامان وان كلام الحب اللى كانت بتقولهولى من يوم الزعلة دى كان من ورا قلبها ومش من قلبها .
ومن يومها مقلتليش ( بحبك ) تانى خالص .
بس انا اتغيرت كتير معاها ومبقتش ازعق او اتعصب بالعكس بقيت بكلمها بكل هدوء وبكل ادب واحترام ..
و دة ما منعنيش انى اقلها انى بحبها ... انا بقولهالها كتيييييييييير اوى اوى بس هى مش بترد عليا خالص ... سعات تقلى شكرا او ميرسى او ربنا يخليك ... ردها دة بيزعلنى جدا وبيخلينى احس انها مش بتحبنى او لسه زعلانه منى ... مع انى عملت المستحيل عشان ارضيها ومش ببخل عليها بأى حاجة .. بالعكس ان كل شوية بجبلها هدايا وبقلها احلى كلام ف الدنيا ... بس هى لسه زى ماهى ... وسعات بحس انى مش فارق معاها او زعلى مش مهم عندها .
سعات كتير بحاول انى اتقل عليها بس مش بتهون عليا ... اصل انا بحبها اوى اوى اوى اوى ومقدرش استغنى عنها ابدا .. انا ما صدقت لقيتها .
حتى لو تقلت عليها بلاقيها بتعاند اكتر وبتتقل عليا اكتر واكتر .
نفسى ترجع تقلى بحبك ووحشتنى زى ما كانت بتقلى الاول .. بس المشكله انى مش عارف اعمل اية ؟؟؟
ارجوكم لو حد عنده نصيحة او مر بتجربة زى دى يقلى اعمل اية ؟؟؟
ارجو الرد سريعا .
شكرا
محمد الشمري 1 نقطة